Француско-македонски сликовен речник за ученици од VI до IX одделение

Ново издание на “Просветно дело” – “Француско-македонски сликовен речник”, изработен од тим филолози од Групата за француски јазик и книжевност при Катедрата за романски јазици и книжевности на Филолошкиот факултет „Блаже Конески“ – Скопје. Сликовен речник за ученици од шесто до деветто одделение од основното образование наменет да им служи како наставно помагало при совладувањето на наставните содржини по предметот Француски јазик, но не само за нив, туку за секој што сака да започне со учење на францускиот јазик. Речникот содржи околу 1000 влезни единици од основната француска лексика неопходна за комуницирање во едноставни секојдневни вербални контексти. Единиците се распоредени во дваесет тематски целини предвидени во националните наставни програми по француски јазик. Целините се поврзани со семејството, домот, училиштето, празниците, слободното време, окружението итн. Речникот е збогатен со лексика поврзана со неколку празници во Франција дополнети со соодветните празнични обележја што им овозможува на учениците да ги прошират своите знаења од француската култура.