ПРВАЧЕ 1 математика

Смело чекори по патот на успехот, запознај го светот на математиката, играј со формите и броевите и развивај ја својата креативност која нема граници. ПРВАЧЕ 1 математика Драги родители и наставници, Пред вас е првото издание на ПРВАЧЕ 1. Ве молиме да им го прочитате нашето обраќање на вашите вредни првачиња. Се надеваме дека оваа книга ќе им помогне со радост и со успех да зачекорат во светот на математиката. Драго прваче, Пред тебе е голем предизвик. Со ПРВАЧЕ 1 ќе ги запознаеш 2 Д и 3Д формите, ќе научиш правилно да ги читаш и пишуваш броевите до 20. Ќе умееш да броиш и да ги споредуваш броевите. Ние ти подготвивме многу интересни активности кои лесно ќе ги реализираш и успешно ќе ги совладаш сите содржини. Пред секоја активност има знаци кои треба да ги запознаеш, а тие ќе ти помогнат и ќе те водат низ активностите. Математиката е многу лесна и интересна. Таа е насекаде околу тебе. Дружи се со неа, запознај ја подобро. Таа ќе ти биде вистински другар и ќе ти помогне во секојдневието. Ти посакуваме убаво дружење и лесно учење.