МЕЧЕТО МЕРИ УМ

МЕЧЕТО МЕРИ УМ Трајче Кацаров Романот е пишуван во духот на романите во кои се бара во светот да завладеат разумот, срцето и вистината. Значи, во приказната треба да се сообразиме со амбиентот од делата на просветителите, од делата чии содржини почиваат на авантуристичките и бунтовни природи на главните ликови. Содржината на романот е интимна исповед на мечето Мери Ум. Родено во еден од кафезите за животни во циркусот „Ветрило“, кога ќе му се укаже прилика, за себе ќе каже дека е мече што знае да чита и да пишува. Се разликува од другите мечки по умот и по тоа што го разбира јазикот на луѓето, како и на растенијата, животните, инсектите и птиците. Таквата надареност му помага во решавањето на проблемите што му се исправаат на животниот пат. Мајка му Радост и татко му Мечо се ангажирани во циркусот како мечки акробати. Животот под камшикот на дресерот Пепо Решето за мечето Мери Ум претставува поттик за подготвување план за бегство. Да се освои слободата е интенција на секој слободарски дух. Мечките акробати, по планот на својата ќерка, мечето Мери Ум, бегаат од кафезот и се вдомуваат во најблиската шума до градот…. Низ какви згоди и незгоди ќе поминат… прочитајте во оваа книга збогатена со прекрасни листрации Накратко, ова е приказна со еколошка порака. Треба да нè потсетува, не само одвреме- -навреме, туку постојано, дека мора да сме свртени не само кон себе туку и кон природата мајка и кон нашите браќа и сестри од другите биолошки единки.