Рашо ја спасува планетата земја

Длабоко во Зелената шума постои училиште за кафеави мечки во кое професорот Медо Еднокамчев, учен мечок со јуначко потекло, ги учи мечињата за науката за постоењето и уметноста на опстанокот. Тој ги подучува своите ученици дека луѓето се одговорни за сите небиднини на планетата Земја, како што се климатски промени, озонските дупки, нуклеарното загадување, кисели дождови, ловокрадство итн. Најдобриот ученик во училиштето, мечето Рашо, ги споделува истите соништа со својот професор- светот да стане подобро место за сите видови. Мајката на Рашо, мечката Мижана, е силна, чесна и самохрана мечка, целосно посветена на своето мече единче. На крајот, трите мечки, професорот Еднокамчев, Рашо и неговата мајка, заминуваат во Големиот Град за да ја предадат Повелбата. Таа е издлабена на камен и со неа мечките бараат да се промени светот со тоа што ќе се почитува природата. Паралелно со авантурите, низ книгата провејува нишка со љубовна приказна. Имено, мајката на Рашо и професорот Еднокамчев ќе се вљубат, ќе се венчаат, па ќе ја добијат малата Ожана, правејќи го најсреќниот крај на сите среќни завршетоци во светот на приказните.