РАЗИГРАНИ БОИ, ЛИНИИ И ФОРМИ наменети за деца од 5 до 6 години

Прирачник за реализација на ликовни активности „Разиграни линии, бои и форми“ наменет за деца од 5-6 години. Во однос на концептот на ликовните содржини, работните листови овозможуваат забавно, едноставно запознавање и реализирањена основните ликовни елементи и принципи. Предвидена е употреба на голем број разновидни ликовни материјали и техники (сликање со прсти, четки, сунѓер, обликување со пластелин, тесто, цртање со молив, фломастери, восочен пастел, сламки, темперни бои, моделирање со харија, картон, пластика, колаж…). Ликовните активности се конципирани да поттикнуваат: активна перцепција и истражување, имагинативно мислење, поддршка во преземање иницијатива, како и интеракција и соработка со другите. За воспитувачите и родителите ваквата методичка осмисленост и големиот број активности ќе претставуваат големо олеснување во изборот, како и стручна реализација на воспитно-образовниот процес во ликовната едукација. „Разиграни бои, линии, форми“ претставува комплет за ликовно образование за деца од 4 до 5-годишна возраст, кој се состои од два дела: работни листови и „Прирачник за воспитувачи и родители“. Работните листови по ликовно овозможувааат запознавање на децата со основните ликовни елементи: линија, насока, големина, примарни и секундарни бои, текстура и простор, како и со ликовниот принцип – ритам, односно повторување. Комплетот содржи интерактивни листови со кои се овозможува лесно совладување на потребните ликовни поими, но и запознавање со различните ликовни материјали и реализирање на повеќе ликовни техники кои се поделени во подрачјата: сликање, цртање, обликување и моделирање и печатење. Во реализацијата на активностите се употребени врвни ликовни уметнички дела, со што се овозможува запознавање на децата со уметноста која е достапна за нивниот когнитивен, емоционален и моторен развој. Сите наведени активностисе во согласност со Програмата за рано учење и развој. Составен дел од приложениот материјал е „Прирачник за реализација на ликовните активности за воспитувачи и родители“. За секоја активност е обработена ликовна содржина, потребен материјал за реализација, како и методички осмислена постапка за работа со децата. Со овој обем (повеќе од 80 ликовни активности, богатството на идеи и методи за стимулирање на креативноста и имагинацијата) се овозможува комплетно осмислување на ликовниот ангажман кај децата во текот на целата година.