Исак Њутн – мини биографии

Исак Њутн (1642 – 1727), еден од најистакнатите умови во историјата, а според многумина, таткото на современата наука поради својот значаен придонес во физиката и во математиката, всушност, бил повеќе од научник. Неговата сестрана личностму овозможила да се истакне и како: филозоф, политичар, алхемичар и теолог. Сепак, мошне ценетиот Њутн бил човек како и сите други: кревок, ограничен, со потреби, лишен од љубов. Не го запознал татка си, а мајка му не сакала да се грижи за него. Големиот мудрец речиси цел живот бил лишен од љубов… Њутн ја барал среќата како што знаел и умеел. Ја барал во науката и во Бога.