КНИГА ЗА ТАЈНИТЕ

„Книга на тајните“ е интересен и мудар забавник за деца и возрасни, извор на идеи за конструктивни активности ставени во функција на забава и унапредување на вештините на 21 век. Необичен прирачник со повеќе од 100 креативни, замислени, творечки и просоцијални активности за целото семејство. Детето со љубопитност ја чита оваа книга. Чита бидејќи сака да разбере што се бара во предизвикот, за да игра и да креира. Книгата е помагало за современи родители кои истражуваат идеи за забавно квалитетно време со своите деца и знаат дека вистинскиот насочен разговор е најдобрата состојка за успех. Габриела Хаџи Ристеска, психолог Авторката Весела Весе Богдановиќ ни подари активности кои претставуваат непроценливо богатство за градење на детската и личноста на возрасните. Сè почесто се жалиме дека ги губиме човечките вредности, а не успеваме ниту соодветно да ги изградиме кај нашите деца и се прашуваме зошто е тоа така? Обидете се тоа да го постигнете со оваа книга и нема да зажалите. Подарете ја на своите деца, себеси, на своите ученици, блиски, таа е за сите, од 5 до 105 години. Убавка Бутлеска,педагог во основно училиште „Книга на тајните“ нè поттикнува да „се сретнеме“ со своите чувства и емоции на интересен начин – низ игра, драматизација, соживување во настани. Текстовите од книгата може да послужат како материјал за супер забавни утрински средби на учителот со своите ученици за бура на идеи и творечко мислење, а низ дружба со членовите на семејството овозможува поттикнување размислување, критичко мислење, искрена комуникација низ интересни теми поврзани со реални животни ситуации. На овој начин придонесува за развивање социо-емоционални вештини, посебно емпатијата како еден значачен дел на емоционалната интелигенција. Жанета Ристевска, училишен психолог