ОД А ДО Ш

Исидора Бјелица Уживајте во секој момент на животот, па каков и да е, без разлика на годините. Уживајте, затоа што тоа е уметност. Најважно е да се познавате и да се сакате себе си, своите можности и таленти, затоа што, тоа е шифрата за задоволство. Драги мои читатели Со години сте пишувале дека ви е жал што сите мои мисли и ставови се расфрлани во разни интервјуа, магазини, списанија, не се некако тематски систематизирани за да ви користат кога ви е потребен пријателски совет, под кое било слово, за кој било сегмент од животот. И така настана овој необичен бревијар (прирачник) на животната филозофија, пред сѐ, благодарејќи на идејата и на посветеноста на мојата прекрасна мајка професорката Нена, која имаше сила од илјадници страници со мои разговори да го извлече она најинтересното и за вас најкорисното. Спаѓам во оној вид уметници што, можам слободно да кажам, не чуваат ништо кога е во прашање нивната работа, дури немам ни по еден примерок од моите 78 книги, а камоли да ги чував своите интервјуа. И покрај мојата немарност, мајка ми се обидела нешто да тргне настрана и да зачува и така, благодарејќи на неа и на навистина феноменалниот и вреден тим на Лагуна, настана оваа книга, која ќе направи нашиот близок однос, кој трае точно 34 години, да стане уште поблизок, затоа што вака, кога ќе имате каков било проблем, кога ќе ви треба некој совет или, едноставно, моја блискост и хумор, доволно е само да пронајдете одредена буква и тема што ви е потребна. Сакам да знаете дека секогаш сум со вас и покрај вас и дека несебично ви праќам љубов и дух, секогаш во онаа целосно сурова, речиси детска искреност што нераскинливо ве споила во најсилната духовна и емотивна врска на овој свет: писател – читател. Ве сака Иси Мек повез Формат 130 х 200 229 стр.