Искрен, силен и интригантен, четвртиот роман на терапевтката и писателка Јована Хисмаeр повторно ќе ве прошета низ најинтересните култури и градови во светот, низ необични средби и познанства, но и низ најкршливите состојби на женската душа.
Оваа книга со контроверзен наслов го отвора женскиот пат, разнишан од стравови, несигурности и од товарот на традицијата што не ѝ била наклонета на жената – но токму тој води кон разбивање на митовите за вистинските потреби на женската душа и тело.
Куртизани се сите оние жени што не пресметуваат, туку живеат; што не се чувствуваат секогаш добро, но затоа ги познаваат екстазата и разгаленоста. Нивните животи не се секогаш „среќни“, но се исполнети со смисла.
Во оваа книга ќе го пронајдете мирисот на одамна потиснатиот однос со мајката, тишината пред донесување големи одлуки и гласот што ве потсетува дека чувствувањето е привилегија, а не слабост.
Затоа, без предрасуди, отворете ги вратите на „Училиштето за куртизани“ и започнете ја својата трансформација кон целите што ви се достижни.
Милена Мишиќ-Филиповиќ
Формат: 130 мм Х 200мм, број на страни – 184.
